La Bibia piemontèisa/Glossari ebràich/c

Da Wikisource.
Jump to navigation Jump to search

Artorn


Glossari ebràich

A - B - C - D - E - F - G - H - I - J - L - M - N - O - P - Q - R - S - T - U - V - Z

C

  • Chazak (חזק) - Ebràich për "Sie fòrt!", dovrà për cissé e fé coragi. La frase "Chazach, chazach, v’nit chazech!" (Sie fòrt! Sie fòrt! Fortificheve!) a l'é arpetùa apress ël compiment ëd la letura 'd minca lìber ëd la Torah për tut ël cicl annual ëd leture bìbliche. Arferiment: Deuteronomi 31:6 (Sie fòrt e decis, gnun-e tëmme!"); Giosuè 1:9 ("L'hai-ne comandate d'esse fòrt e coragios? Ch'i sie sensa tëmma ni sparm, përchè Nosgnor tò Dé a l'é con ti daspërtut che ti 't vade"); Nàum 2:1; Salm 31:24 ("Sìe fòrt e pien ëd fiusa, vojàutri ch’i spete l’antervension ëd Nosgnor").
  • Chanuchà, (an ebràich חנוכה o חֲנֻכָּה, ḥănukkāh, inaugurassion, consacrassion) a l'é na festa ebràica, conossùa 'dcò coma "Festa dij ciàir". A l'é pa mensionà ant le Scriture canòniche, gavà da 1 Macabé 4:28-51, anté che la girindòla d'òr dël templ a l'é stàita torna anviscà e 'n autar neuv consacrà ant ël 25 dël mèis ëd Chislev, dòp la profanassion dël templ për man dj'elenista ant ël scond sécol a. C.
  • Cheruv (כרוב) / Cheruvim (כרובים) - Cherubin, creature angèliche gloriose che an cél a rendo làude e adorassion a ADONAI. Arferiment: Genesi 3:24; Surtìa 25:19; 2 Samuel 22:11; Salm 99:1. H3742.
  • Chesed (חסד) - An ebràich: "misericòrdia", "grassia", "agiut" o "fidelità al Pat", "amor fedel", "esse bon". Costa paròla a l'é malfé a voltela 'd manera precisa an Piemontèis.. Arferiment: Isaiah 63:7; Zechariah 7:2; Psalm 86:1; Psalm 107:1; Psalm 118:1; Psalm 136:1. H2616.
  • Compiment (da compì, coma an porté a compiment, ampinì 'd significassion). An grech pléroó [πληρόω]. Costa paròla as treuva an arferiment al mantniment (fàita) dla paròla o dla promëssa [an ebràich shalam (שָׁלַם)], e a le paròle dij profeta 'd Nosgnor ch'a-i son ant la Scritura, che tute as realiso përchè Nosgnor a l'é fedel a soe promësse. Arferiment: Salm 65:1; Maté 4:14 ["Parèj a l’é compisse lòn ch’a l’avìa nunsià ‘l profeta Isaìa"]; March 14:49; Luca 1:20; Gioann 19:36.