La Bibia piemontèisa/Testament Vej/Salm/Salm 136
Salm
[modifiché]136. Rende grassie a Nosgnor, përchè chiel a l’é bon!
[modifiché]- An cost ìnn ël salmista a fortiss che Nosgnor a l’é degn ëd minca làude, përchè soa misericòrdia a vnirà mai a manché, për soa autorità sovran-a e compassion. Minca ‘n versèt ëd ël salm a chita con ël refren: përchè soa misericòrdia a vnirà mai a manché.
1Rende grassie a Nosgnor, përchè chiel a l’é bon! Përchè soa misericòrdia a vnirà mai a manché[1]!
2Rende grassie al Dè dij dé! Përchè soa misericòrdia a vnirà mai a manché!
3Rendé grassie al Signor dij signor, përchè soa misericòrdia a vnirà mai a manché!
4Rendje grassie, përchè mach chiel a fà ‘d miràcoj potent! Përchè soa misericòrdia a vnirà mai a manché!
5Rende grassie a col ch’a l’ha fàit ij cej con tanta abilità[2], përchè soa misericòrdia a vnirà mai a manché!
6Rende grassie a col ch’a piassava la tèra an tra j’aque[3], përchè soa misericòrdia a vnirà mai a manché!
7Rende grassie a col ch’a l’ha fàit le luminàrie grande , përchè soa misericòrdia a vnirà mai a manché!
8Ël sol coma ‘l pressidi dël di, përchè soa misericòrdia a vnirà mai a manché!
9La lun-a e le stèile coma ij pressidi dla neuit[4], përchè soa misericòrdia a vnirà mai a manché!
10Rendé grassie a col ch’a l’ha patlà ij primgénit dl’Egìt[5], përchè soa misericòrdia a vnirà mai a manché!
11Chiel a l’ha fàit seurte Israel da ‘n mes a lor[6], përchè soa misericòrdia a vnirà mai a manché!
12Chiel a l’ha travajà con man fòrta e con bras protent, përchè soa misericòrdia a vnirà mai a manché!
13Rende grassie a col ch’a l’ha dividù an doi ‘l Mar Ross, përchè soa misericòrdia a vnirà mai a manché!
14Chiel a l’ha mnà Israel a travers dël mar an tuta sicurëssa, përchè soa misericòrdia a vnirà mai a manché!
15Ma chiel a l’ha fàit fonghé ‘l Faraon e soa armeja ant ël Mar Ross[7], përchè soa misericòrdia a vnirà mai a manché!!
16Rende grassie a col ch’a l’ha mnà sò pòpol a travers dël desert, përchè soa misericòrdia a vnirà mai a manché!
17Rende grassie a col ch’a l’ha patlà dij grand rè, përchè soa misericòrdia a vnirà mai a manché!
18Chiel a l’ha massà ‘d rè poderos, përchè soa misericòrdia a vnirà mai a manché!
19Sicon, rè dj’Amorita[8], përchè soa misericòrdia a vnirà mai a manché!
20E Ogh, rè ‘d Basan[9], përchè soa misericòrdia a vnirà mai a manché!
21Nosgnor a l’ha dàit la tèra ‘d costi rè an ardità, përchè soa misericòrdia a vnirà mai a manché!
22Coma n’ardità a Israel, sò servent, përchè soa misericòrdia a vnirà mai a manché!
23Chiel a l’ha arcordasse ‘d nojàutri an nòstra debolëssa, përchè soa misericòrdia a vnirà mai a manché!
24Chiel a l’ha salvane dai nòstri nemis, përchè soa misericòrdia a vnirà mai a manché!
25Chiel a l’ha dàit da mangé a tùit ij vivent, përchè soa misericòrdia a vnirà mai a manché!
26Rende grassie al Dé dij cej, përchè soa misericòrdia a vnirà mai a manché!
Nòte
[modifiché]- ↑ Cfr. 1 Crònache16:34; 2 Crònache 5:13; 7:3; Esdra 3:11; Salm 100:5; 106:1; 107:1; 118:1; Geremìa 33:11.
- ↑ Cfr. Génesi 1:1.
- ↑ Cfr. Génesi 1:2.
- ↑ 136:7-9 cfr. Génesi 1:16.
- ↑ Cfr. Surtìa 11:29.
- ↑ Cfr. Surtìa 12:51.
- ↑ 136:13-15 cfr. Surtìa 14:21-29.
- ↑ Cfr. Numer 21:21-30.
- ↑ Cfr. Nùmer 21:31-35.