Ij Salm

110. Ël Signor a dis a mè Signor: Stà astà-sì a mia drita

An cost salm regal, ël salmista a nunsia col ch’a l’é l’oràcol ëd Nosgnor anvers dël rè davìdich. La prima part ëd l’oràcol as treuva ant ël versèt 1, la sconda ant ël versèt 4.

¹Un salm ëd David. Ël Signor a dis a mè Signor: “Stà astà-sì a mia drita e mi i farai che ij tò nemis a ven-o a esse lë scagn dij tò pé!^[1]”. ²Ël Signor a spantierà tò domini potent da Gerusalem e ti ’t domineras ij tò nemis. ³Tò pòpol at vnirà dré volonté cand ch’it andras an bataja. Ti ’s ses vestì dlë splendrior ëd la santità. Toa fòrsa a sarà arnovà minca di coma la rosà dla matin. ⁴Sota giurament Nosgnor a l’ha fàit costa promëssa e a l’artraterà pa: “Ti’t saras sacerdòt për sèmper ëscond l’esempi^[2] ‘d Melchìsedech^[3]”. ⁵Nosgnor a stà a toa drita për guernete. L’ora che soa fùria a sarà dëscadnà, chiel a patlerà tanti rè. ⁶Chiel a darà esecussion a sò giudissi ‘d condan-a contra dle nassion. Chiel a ‘mpinirà le combe 'd mòrt; a sfracasrà tante teste ant ij camp ëd bataja. ⁷As pasierà la sèj dai torent për la via. Chiel a sarà vitorios.

Nòte

↑ Cfr. Maté 22:44; March 12:36; Luca 20:42-43; At 2:34-35; 1 Corint 15:25; Efesin 1:20-22; Colossèis 3:1; Ebréo 1:13; 8:1; 10:12-13.
↑ O: "ordin".
↑ Cfr. Ebréo 5:6; 6:20; 7:17,21.

[1] Cfr. Maté 22:44; March 12:36; Luca 20:42-43; At 2:34-35; 1 Corint 15:25; Efesin 1:20-22; Colossèis 3:1; Ebréo 1:13; 8:1; 10:12-13.

[2] O: "ordin".

[3] Cfr. Ebréo 5:6; 6:20; 7:17,21.

[1]

[2]

[3]