La Bibia piemontèisa/Testament Neuv/Tito/Tito 3

Da Wikisource.
Jump to navigation Jump to search

Tito[modifiché]

3[modifiché]

Esortassion a tùit ij fedej[modifiché]

1Arciama a la ment dij credent ch’a l’han da sogetesse ai governant e a j’autorità, ch’a l’han da scoteje e d’esse sèmper pront a fé ‘l bin[1]. 2Ch’a diso ‘d mal ëd gnun; ch’a sio nen litigios, ma grassios, e ch’a dago preuva dla pì granda dosseur con tuti.

3An d’àutri temp, ëdcò nojàutri i j’ero sventà e i scotavo nen. I j’ero dëstornà, ‘d gent sogeta a ògni sòrt ëd passion e ‘d piasì. Nòstra vita a l’era pien-a ‘d malissia e d’anvìa; i j’ero odios e i l’avìo an òdio j’un j’àutri. 4Contut, quand che Nosgnor, nòst Salvator a l’ha manifestà soa bontà e sò amor, 5chiel a l’ha salvane, nen për motiv d’euvre bon-e ch’i l’avèisso fàite, ma grassie a sò amor. Chiel a l’ha lavà vìa nòstri pecà e a l’ha argenerane con la forsa arnovratriss dlë Spirit Sant. 6Chiel a ha arvërsà con abondansa an sù nojàutri lë Spirit për ël mojen ëd Gesù Crist, nòst Salvator. 7Parèj, diciarà giust[2] për soa grassia, i l’oma la fidansa ch’i arseivroma an ardità, un bel dì, la vita eterna[3].

8Sta paròla a l’é certa[4] e i veui che sta dotrin-a a staga bin ferma an tra ‘d voi: a l’é parèj che tuti coj ch’a l’han chërdù an Nosgnor a s’angagio ‘d fé d’euvre bon-e. Tut sòn a l’é bon e ‘d vantagi për tuti.

9D’àutra banda, fate nen campé an mes a ‘d discussion sensa sens riguard a ‘d genealogie, a ‘d question e polèmiche riguard a l’osservansa dla lej dij Giudé. Tut lolì a serv a gnente e a fa mach perde ‘d temp. 10Se, malgré un-a o due amonission, a la pianto ancora nen lì, ch’it l’abie gnente da fé con coj ch’a vorìo buteve j’un contra j’àutri[5]. 11Ëd gent parèj a l’ha scartà da la vrità e ij sò pecà a-j condan-o daspërlor.

Conclusion[modifiché]

12Quand ch’a sara rivà Artemà o Tichico, ch’i veui mandeve, dësangagg-te e ven da mi a Nicòpoli, përchè i l’hai l’intension ëd passeie l’invern. 13Pronta con soegn ël viagi ‘d Zena, l’avocà e d’Apòllo. Varda ch’a-j manca gnente. 14Nòstra gent a l’a d’amprende a fé ‘l bin e a provëdde a j’àutri lòn ch’a l’é da bzogn, a fin ch’a resto nen sensa frut.

15Av saluto tuti coj ch’a son ansem a mi. Saluta coj ch’an veulo bin ant la fej. Che la grassia a sìa con tuti voi. Amen!                

Nòte[modifiché]

  1. O “pront a fé ògni sòrt ëd bon-e assion”.
  2. O “giustificà”.
  3. O “soma, an ësperansa, ardité dla vita eterna”.
  4. O “degna ‘d fiusa”.
  5. O “con ëd gent set fassiosa” o “erètica”.