Neemìa

10

¹Neemìa, ël governator fieul d'Acalìa a l'ha firmà e për prim. Peui a l'han firmà ij sacerdòt: Zedechia, ²Seraia, Asaria, Jeremia, ³Pasur, Amaria, Malchija, ⁴Atuss, Sebania, Maluch, ⁵Arim, Meremot, Obadia, ⁶Daniel, Gineton, Baruch, ⁷Mesulam, Abija, Mijamin, ⁸Masia, Bilgai, e Semaia. Costi-sì a l'ero ij sacerdòt.

⁹Ij Levita a l'ero: Jesua fieul d'Asania, Binui dij fieuj d'Enadad, Cadmiel. ¹⁰Ij sò colèga: Sebania, Odia, Chelita, Pelaia, Canan, ¹¹Mica, Recob, Asabia, ¹²Zacur, Serebia, Sebania, ¹³Odia, Bani, e Beninu.

¹⁴Ij cap dël pòpol a l’ero sti-sì: Paross, Pacat-Moab, Elam, Zatu, Bani, ¹⁵Buni, Asgad, Bebai, ¹⁶Adonija, Bigvai, Adin, ¹⁷Ater, Esechiah, Asur, ¹⁸Odiah, Asum, Besai, ¹⁹Arif, Anatot, Nebai, ²⁰Magpiass, Messulam, Esir, ²¹Mesesabel, Zadoch, Jadua, ²²Pelatia, Canan, Anaia, ²³Osea, Anania, Assub, ²⁴Aloess, Pilca, Sobech, ²⁵Reum, Asabna, Maseia, ²⁶Achia, Canan, Anan, ²⁷Maluch, Arim, e Bana.

²⁸Ore, la rimanensa dël pòpol, ij sacerdòt, ij Levita, ij guardian dle pòrte, ij cantor, coj ch'a travajavo ant ël templi, e tuti coj che a l'ero separasse da le popolassion dj'anviron për andeje dapress a la Lege 'd Dé, comprèise le fomne, sò fieuj e le fije an età dla rason, ²⁹a son butasse ansema 'd lor, ij sò colega e ij sò cap. A l'han promëttù tuti con giurament, ëd marcé conform a la Lege 'd Dé, ch'a l'é dasse për mojen ëd Mosè, sërvent ëd Dé: porté a compiment e guerné tùit ij Comandament ëd Nosgnor, nòstr Dé, ij sò precet e soe prescrission.

³⁰Noi i daroma pa pì nòstre fije da marié a le gent dj'anviron, e i-j pijeroma nen le soe për nòstri fieuj^[1]. ³¹Nen mach, ma se 'd le vire mai la gent dël pais a dovèissa porté 'd saba 'd proviande da vende, o qualsëssìa d'àutra mërcansìa, nojàutri s'angagerìo a caté nen ant ël di ëd saba, nì an d'àutri di sacrà, e 'l sétim ann^[2], ëd deje arlass a la barasa e condoné tùit ij débit^[3]. ³²Anlora i soma 'mponusse l'òbligh ëd deje^[4] tùit j'agn la tersa part d'un sicl për ël cult ant ël Templi dël nòst Dé^[5]: ³³për ij pan ëd presentassion, për l'oblassion ëd la matin e dla sèira, për l'olocàust ëd tùit ij di, për ij sacrifissi dël saba, dla lun-a neuva, e dle feste; për ij sacrifissi ëd pas, për coj-lì an espiassion dël pecà a favor d'Israel e për tut ël servissi ant ël Templi dël nòst Dé. ³⁴Peui i l'oma tirà a sòrt: noi, ij sacerdòt, ij Levita e la gent, për podèj savèj ël temp e l'órdin andova provëdde al Templi dël nòst Dé ël bòsch, che minca na famija a dovìa porté tuti j'agn, a na data fissà, për mantnì ël feu an sl'autar ëd Nosgnor, Dé nòst, com a l'é scrivù ant la Lege 'd Mosé.

³⁵E i l'oma 'dcò promëttù ëd porté tùit j'agn ant ël Templi dël Signor le primissie 'd nòstra tèra, le primissie dij frut ëd tute le piante^[6], ³⁶ij primnà dij nòstri strop e 'd nòstre feje, da presentesse ant ël Templ ëd nòst Dé, ai sacerdòt an servissi ant ël Templ ëd Nosgnor^[7]; ³⁷e ancora lòn ch'a-i é 'd mej dla farin-a, ëd nòstre oferte, dij frut ëd tute le piante, dël vin neuv e dl'euli; nojàutri i porteroma ai sacerdòt ant le cròte dël Templ ëd Nosgnor, an dasend ai Levita, la part ch'a fà des ëd nòstra tèra. Ij Levita midem, a andran a cheuje le décime an tute nòstre sità^[8]. ³⁸Un sacerdòt, dëssendent d'Aron, a darà d'agiut ai Levita ant ël moment che lor a preleveran le décime, e ij Levita a porteran la décima 'd soa décima ant ël Templ ëd nòst Dé, ant le stansie dël tesòr^[9], ³⁹an cole stansie andova che ij fieuj d'Israel e ij Levita a ten-o le primissie dël gran, dël vin, dl'euli e andova ch'a-i é tut ël necessari për ël Santuari, për ij sacerdòt an servissi, për ij guardian e ij cantor. Ël Templ ëd nòst Dé a sarà pa pì trascurà da nojàutri.

Nòte

↑ Cfr. Surtìa 34:16; Deuteronòmi 7:3.
↑ Cfr. Surtìa 23:10-11; Levitich 25:1-7.
↑ Cfr. Deuteronòmi 15:1-2.
↑ Ël TM a dis "ëd déne" ch'a sarìa ancora da preferì al Chetiv עָלֵינוּ (ʿalenu) “dzora 'd nojàutri.” la Volgata a l'ha: ut demus tertiam partem sicli per annum ad opus domus Dei nostri, e parèj Pessità e manoscrit medievaj.
↑ Cfr. Surtìa 30:11-16.
↑ Cfr. Surtìa 23:19; 34:26; Deuteronòmi 26:2.
↑ Cfr. Surtìa 13:2.
↑ Cfr. Numer 18:21.
↑ Cfr. Numer 18:26.

[1] Cfr. Surtìa 34:16; Deuteronòmi 7:3.

[2] Cfr. Surtìa 23:10-11; Levitich 25:1-7.

[3] Cfr. Deuteronòmi 15:1-2.

[4] Ël TM a dis "ëd déne" ch'a sarìa ancora da preferì al Chetiv עָלֵינוּ (ʿalenu) “dzora 'd nojàutri.” la Volgata a l'ha: ut demus tertiam partem sicli per annum ad opus domus Dei nostri, e parèj Pessità e manoscrit medievaj.

[5] Cfr. Surtìa 30:11-16.

[6] Cfr. Surtìa 23:19; 34:26; Deuteronòmi 26:2.

[7] Cfr. Surtìa 13:2.

[8] Cfr. Numer 18:21.

[9] Cfr. Numer 18:26.

[1]

[2]

[3]

[4]

[5]

[6]

[7]

[8]

[9]