La Bibia piemontèisa/Testament Vej/Malachia/Malachia 4

Da Wikisource.
Jump to navigation Jump to search

Malachìa[modifiché]

4[modifiché]

1Përchè vardé: Ël dì ch’a riva, afoà com un forn, lor a saran coma ‘d paja, tùit ij pien ëd babìa e ij gram; ël dì ch’a riva a-j brusrà, a dis Nosgnor dl’univers, a la mira che a-j lassrà pa nì radis nì branch.

2Ma për vojàutri ch’i tëmme mè Nòm, ël sol ëd giustissia a nassrà con la salvëssa ant ij sò raj; voi i seurtireve an sautërland com un bocin a l’angrass. 3Vojàutri i scarpisereve coj ch’a scarto la lege, përchè a saran ëd sënner sota la pianta dij vòstri pé, ant ël dì che mi i pronto, a dis Nosgnor dl’univers.

Esortassion e promëssa[modifiché]

4Arcordeve sèmper ëd la lej ch’i l’hai daje a Mosè mè servitor, a l’Oreb, për tut Israel, e dij precet e ‘d decret. 5Vardé che mi ‘v mando ‘l profèta Elìa, anans ch’a-i riva ‘l dì ‘d Nosgnor, grand e afros. 6Chiel a mnerà torna ‘l cheur dij pare vers ij sò fieuj e ‘l cheur dij fieuj vers ij sò pare, për la tëmma che mi vada a colpì la tèra d’anatema.