Sergio Bellino
Sergio Bellino (Sergi Blin)
[modifiché]Sergi Blin a l’era nà a Colegn (TO) e a l’é mancà an soa ca an Sardëgna, a San Pantaleo d’Olbia. Ant j’ani ’70, Blin a l’ha rancontrà Milo Bré e a l’é intrà ’nt la Companìa dij Brandé. Soa prima poesìa publicà a l’é stàita Malinconìa, an sël nùmer 60 dël Musicalbrandé, ëd lë dzèmber 1973. Blin a l’ha colaborà ’dcò a «Ij Brandé», peui a «Piemontèis Ancheuj», a «La slòira» e a l’«Agenda piemontèisa». A l’ha ëdcò scrivù për ël teatro. A l’ha partessipà a vàire concors literari, an vagnand ëd grand arconossiment. Un sò lìber dal tìtol «Ël bestiari e conte dla resistensa pì cita» a l’é stàit publicà da «Piemonte in Bancarella» ant ël 1979. An considerassion ëd soa vajantisa e valor i voroma propon-e quàich pròsa ’d Sergi Blin con la fiusa dë smon-e ai nòstri letor quaicòs ëd livel superior.