Sergio Bellino/A l'òsto dòp-disné

Artorn

---

A l'òsto dòp-disné

An cò dla riva dël camp
dlà dla stra bianca ’d póer,
a branda la giòja
d’un bocc ëd coclicò,
blagheusa com un braj
ant ël silensi dël ruin dël sol.
Da sfond a l’ha l’òr baròch
dël gran bele mur
e ’l bianch niss
dël cel ëd siròch.
Un ragg ëd sol,
ostinà e dur,
a fora la tòpia e a visca
ametiste e rubin ant ël dil ëd vin
sël fons dël bicer.
Na fija an bici
as dà nen pen-a dël cotin linger
ch’a sghija su dle cheusse
dë vlu armognan.