La Bibia piemontèisa
Ij Salm

Ij Salm

114. Cand che Israel a l'ha chità l'Egit

La Bibia piemontèisa - Salm 114

Ël Salmista a arciama a la memòria ij fàit ëd la surtìa da l'Egit e dla conquista dla tèra dla promëssa. A sélebra peui la sovranità 'd Nosgnor anvers ëd sò pòpol, ch'a l'é gropà a chiel con un pat.

Cand che Israel a l'ha chità l'Egit, cand che la famija 'd Giacòb a l'é lassasse darera na nassion forëstera, ²Giuda a l'é dventà sò santuari, Israel sò règn. ³Ël mar a l'ha vardà e a l'é scapà^[1] e 'l fium Giordan a l'é tornà 'ndarera^[2]. ⁴Le montagne a sautavo coma 'd moton e le colin-e tanme 'd bèro. ⁵Përchè scapes-to, mar? Përchè tornes-to 'ndarera, fium? ⁶Përchè sauteve coma 'd moton, montagne, tanme 'd bèro, colin-e? ⁷Tërmola, tèra, dë 'dnans a Nosgnor - dë 'dnans al Dé 'd Giacòb, ⁸ch'a l'ha cambià na ròca 'nt na gòja d'eva, na dura ròca 'nt na sorgiss d'eva^[3].

Nòte

[1] Cfr. Surtìa 14:21.

[2] Cfr. Giosué 3:16.

[3] Cfr. Surtìa 17:1-7; Numer 20:2-13.

[1]

[2]

[3]