La Bibia piemontèisa/Testament Vej/Salm/Salm 113
Ij Salm[modifiché]
113. Laudé, vojàutri ij servent ëd Nosgnor, laudé ‘l nòm ëd Nosgnor![modifiché]
- Ël salmista a làuda Dé, ël Rè sovran dël mond, ch’as ësbassa a giuté ij pòver.
1Laudé, vojàutri ij servent ëd Nosgnor, laudé ‘l nòm ëd Nosgnor! 2Che ‘l nòm ëd Nosgnor a sia benedì, ora e për sèmper. 3Da l’orient a l’ocident, ël nòm ëd Nosgnor a l’é degn ëd làude. 4Nosgnor a l’é dzora ‘d tute le gent; soa glòria a l’é pì àuta che ij cel. 5Chi mai a podrìa comparissionesse a Nosgnor, nòst Dé, ch’a l’é astà dzor’ al tròno dij cej? 6Da l’àut chiel as chin-a për beiché giù ‘l cel e la tèra. 7A l’é chiel ch’a tira sù da la póer ij pòver e jë bzognos da la pàuta[1] 8për colocheje an tra ij prinsi, ij prinsi ‘d sò pòpol. 9A l’é chiel ch’a fà dventé la fomna stéril ëd la famija na mare contenta 'd masnà. Ch’a sìa laudà Nosgnor!
Nòte[modifiché]
- ↑ Cfr. 1 Samuel 2:8.