Rino Serra/Le fior dël mal/069
LXIX. La mùsica[modifiché]
Come 'n mar la musica am rapiss sovens!
Vers mia tèila spalia,
Sota 'n plafon ëd nebie o 'nt l'asur in-mens,
Mi i àuss mia vela a l'aria;
Con ël pét anans e ij polmon gonfià
Come dla tèila,
I scavalco ij dòss dij flut ancavalà,
Stërmà da la sèira;
I sento vibré andrin a mi, tute le passion
D'un vassel ch'a patiss;
Ël bon vent, la tempesta e soe convolsion
Am cun-o 'n sl'in-mens abiss,
D'àutre vòlte, calma piata, grand ëspecc dirìa
Ëd la disperassion mia!