Rino Serra/Le fior dël mal/068

Da Wikisource.

LXVIII. La fuma[modifiché]

D'un autor mi i son la fuma
E mia facia basta vardé
Che Abisin-a o Cafra l'é
E as vëdd che 'l padron tant fuma.

Cand ël dolor a j'emp ël cheur
Mi i fumo mé 'l ciabòt che
A sèira pronta 'l mangé
Për cand torna 'l travajeur.

L'ànima i-j cun-o e gropo
Ant la rej bin mòbil e bleu
Ch'a monta da mia boca 'd feu,

E'un dictam possent dësgropo
Che 'nciarma sò cheur e variss
Sò spirit e ògni pen-a a spariss.