Rino Serra/Le fior dël mal/070
LXX. Sepoltura[modifiché]
Se 'nt na neuit pesanta e scura
Un bon cristian, për carità,
Daré quàich veja masura
Ël vòst còrp vantà a sotrerà,
Ant l'ora che caste stèile
A fërmo j'euj apesantì,
L'aragn a farà soe tèile
E la vipera 'l sò nì;
Sentireve tuta l'anà
Su vòstre teste condanà
Ij crij dij luv lamentos
E dle masche afamà,
Bagord ëd vej assatanà
E ij complòt dij vej mafios.