Rino Serra/Le fior dël mal/018
XVIII. L'IDEAL[modifiché]
A saran mai coste blësse da vignëtte,
Prodòt guast, nà da 'n secol bon a nen,
Sti pé da stivalet, dij da castagnëtte,
Che 'n cheur coma 'l mè a sodisf-ran franch nen.
Lasso a Gavarni, poeta 'd gent malavie,
Sò strup bësbijant ëd blësse da ospidal,
Coma 't veuj ch'i treuva tra cole reuse spalie
Na fior ch'a jë smija a mè ross ideal.
Për sto cheur che coma n'abim l'é përfond assé
Ledy Macbeth, ant ël crimin sevi la mej ch'a-i é
Seugn d'Eschil al fòrt clima austral duertà;
O it ses ti, grand neuit ëd Michelangel fija,
Ch'it tòrse con calma 'nt na pòsa fòravia
Toe forme për boca dij Titan plasmà!