Rino Serra/Garcia Lorca/027
< Rino Serra | Garcia Lorca
Novèmber[modifiché]
Tuti j’euj
A l’ero duvert
Ëdnans a la sulitudin
Scancelà dal pior.
Tin
Tan,
Tin
Tan.
Ij verd sipress
A guernavo soa ànima
Arissà dal vent,
E le paròle ‘mé faussìa
A tajavo ànime dle fior.
Tin
Tan,
Tin
Tan.
Ël cel l’era ‘nfiapì
Oh sèira përsonera dle nìvole,
Sfins bòrgna!
Obelisch e siminere
A fasìo bole ‘d savon.
Tin
Tan,
Tin
Tan.
Ij ritm as curvavo
E as curvava l’aria,
Soldà ‘d nebia
A fasìo dj’erbo
Tirapere.
Tin
Tan,
Tin
Tan
Oh sèira,
Sèira dij mè àutri basin!
Ideja lontan-a ‘d mia ombra,
Sensa ragg d’òr!
Sonaj veuid.
Sèira tut drocheri
Dzor pere ‘d silensi.
Tin
Tan,
Tin
Tan.
Novèmber 1920