Rino Serra/Garcia Lorca/025
< Rino Serra | Garcia Lorca
SEUGN[modifiché]
Mè cheur arpòsa tacà la fontan-a frèida.
(Ampiniss-la con ij tòi fij,
Aragnà dl’oblì).
L’eva dla fontan-a soa canson la disìa.
(Ampiniss-la con ij tòi fij,
Aragnà d’oblì).
Mè cheur dësvijà ij sò amor a disìa.
(Aragnà dël silensi
Tëss tò misteri).
L’eva dla fontan-a a lo scotava sombra.
(Aragnà dël silensi
Tëss tò misteri).
Mè cheur a robata’n sla fontan-a frèida.
(Man bianche, leugne,
Ten-e l’eva).
E l’eva slo pòrta via cantand alegra.
(Man bianche, leugne,
A jë sta gnente ‘nt l’eva).
Magg dël 1919