La Bibia piemontèisa/Testament Vej/Salm/Salm 70
Ij Salm[modifiché]
70. Nosgnor! It suplico, lìberme![modifiché]
- Cost Salm a l'é squasi idèntich a Salm 40:13-17. Ël Salmista a ciama l'agiut ëd Nosgnor e che ij sò nemis a sio castigà.
1Për ël diretor ëd la mùsica. Ëd David. Për arciamé l'atension ëd Nosgnor. Nosgnor! It suplico, lìberme! Nosgnor! Fà 'n pressa, giùtme! 2Ch'a l'àbio 'd gena e 'd vërgògna coj ch'a veulo gaveme la vita. Ch'as n' artorno andré coj ch'a veulo feme 'd mal. 3Che tuti coj ch'a diso: "Aha! Aha!" as në torno ‘ndré e në sio mortificà. 4Che tuti coj ch'a l'han anvìa 'd ti[1] a sio content e argiojisso! Che tuti coj ch'a l'han ëd gòj an toa liberassion a diso sèmper: "Che Nosgnor a sia laudà". 5Nosgnor! I son crasà e bzognos!: Fà 'n pressa a vnì da mi! It ses ti ch'it peule libereme e giuteme. Nosgnor, tarda pa!
Nòte[modifiché]
- ↑ O "at sërco".