La Bibia piemontèisa
Ij Salm

Ij Salm

La Bìbia piemontèisa - Salm 067

67. Che Nosgnor a sia misericordios anvers ëd nojàutri

Ël Salmista a làuda Nosgnor për le benedission ch’a arversa an su sò pòpol e a cissa le nassion a laudelo përché chiel a l’é col ch’a governa ‘l mond con giustissia.

¹Pr’ ël magìster dël còro. Con jë strument a còrda. Un salm, un càntich. Che Nosgnor a sia misericordios anvers ëd nojàutri e an benedissa^[1]; ch’an fasa vëdde la lus ëd sò visagi, ch’an sorija. [Intërludi].

²Ch’ij tò senté a sio conossù për tuta la tèra, e tùit ij pòpoj a vëdran la salvëssa. ³Che tute le nassion at làudo, Nosgnor! Pròpe parej! Che tute le nassion at làudo. ⁴Che tut ël mond a canta ‘d gòj, përchè ti ‘t governe le nassion con giustissia e it guide ij pòpoj dla tèra antrega. [Intërludi].

⁵Che tute le nassion at làudo, Nosgnor! Pròpe parèj! Che tute le nassion at làudo! ⁶Antlora la tèra a l’avrà dj’arcòlt fosonant e Nosgnor, nòst Dé, a benedirà con abondansa. ⁷Pròpe parèj! Nosgnor an benedirà, e tùit ij pòpoj pr’ ël mond a l’avran timor ëd chiel.

Nòte

↑ O "ch'a l'àbia misericòrdia 'd nojàutri".

[1] O "ch'a l'àbia misericòrdia 'd nojàutri".

[1]