La Bibia piemontèisa/Testament Vej/Salm/Salm 47
Ij Salm
[modifiché]47. Vnì, vojàutri ij pòpoj dël mond!
[modifiché]- An cost ìnn la comunità dl’Aleansa a làuda Nosgnor coma ‘l rè magnificà an tuta la tèra, ch’a l’ha daje vitòria an sle nassion e na tèra për vìvie.
1Pr’ ël diretor dël còro. Un salm dij dissendent ëd Còre. Vnì, vojàutri ij pòpoj dël mond! Bate le man! Aclamé Dé con crij ëd gòi! 2Përché Dé a l’é ‘l pì àut[1]: ij sò nemis a l’han bin da avèjne tëmma! Chiel a l’é ‘l gran Rè ‘d tuta la tèra. 3Dë 'dnans a noi chiel a sogeta ‘d nassion e a buta ij nòstri nemis sota ij nòstri pé. 4A l’ha sernù për nojàutri na tèra, nòstra ardità, l’orgheuj ëd Giacòb, che chiel a-j veul bin. [Antërludi].
5Dé a monta an àut an mes d’aclamassion, al son dij còrn a monta Nosgnor. 6Canté, canté a Dé! Canté ‘d làude a nòst Rè, canteje ‘d làude! 7Dé a l’è Rè ‘d tut ël mond. Laudelo con un salm. 8Dé a regna dzora dle nassion, a l’é astà an sù sò tròno glorios. 9Ij cap dij pòpoj a son assemblasse ansema al pòpol dël Dé d’Abraham. A l’é che tùit ij rè dla tèra a son ëd Dé. Chiel a l’é magnificà daspërtut.
Nòte
[modifiché]- ↑ Ël titol divin "ël pì àut", "Altissim" (עֶלְיוֹן, ʿelyon) a rapresenta Nosgnor coma 'l dominator ëd l'univers antregh. Gnun-a potensa a peul mnasselo. Chiel a dësfend la càusa dl'innosent e a condan-a coj ch'a fan ël mal.