La Bibia piemontèisa/Testament Vej/Salm/Salm 16

Da Wikisource.
Jump to navigation Jump to search

Ij Salm[modifiché]

16. Nosgnor! Guern-me: i son ëvnù da ti për trové d’arpar[modifiché]

Nosgnor a promët dë sté sèmper dacant ai sò fedej: gnanca la mòrt a-j fà tëmma.

1Salm ëd Dàvid. Nosgnor! Guern-me: i son ëvnù da ti për trové d’arpar. 2I diso a Nosgnor: It ses Ti mè Dé! A-i é gnun coma ti ch’am fasa autërtant content.

3Ai sant ch’a-i é an sla tèra, gent fòrta, a va tut mè rispet e afet. 4Tutun, ch’as moltiplico ij sagrin ëd tuti coj ch’a-j van dapress a ‘d dio fàuss. I veuj nen fé part dij sò sacrifissi sagnos, e gnanca i veuj pronunsié ‘l nòm dij sò dio.

5Nosgnor! Mia ardità it ses mach ti, It ses ti mia benedission. Ti ‘t guerne tut lòn ch’a l’é ‘l mè. 6La part ëd l’ardità ch’a l’é tocame a l’é delissiosa. Che maravijosa ardità!

7Ch’a sia benedì Nosgnor ch’am fà da guida: chiel am dà d’istrussion fin-a ‘d neuit. 8I sai che Nosgnor a l'é sèmper ansema a mi. I tërmolerai mai da la tëmma përchè chiel am ëstà sèmper dacant.

9Gnun-a sorprèisa che mè cheur a sia sèmper pien ëd gòj: im n’arlegro sèmper: mè còrp a arpòsa sèmper pacìfich.

10Ti it m’abandoneras mai an mes ai mòrt, It lasseras mai che col ch’at t’é fedel as corompa 'nt la tomba.

11Ti it ëm mostreras ël senté dla vita an acordandme la gòj ëd toa presensa e ‘l piasì ‘d vive ansema a ti për sèmper.