La Bibia piemontèisa/Testament Vej/Salm/Salm 15

←Salm 14

La Bibia piemontèisa Ij Salm

Salm 16→

Ij Salm

La Bìbia piemontèisa - Salm 015

15. Chi ch’a sarà col ch’it arseivras an toa ca?

'Cost Salm a descriv le qualità dël caràter ch'a l'ha da avej la përsona ch'a-j sarà acordà d'intré a la presensa 'd Nosgnor.

¹Un Salm ëd David. Nosgnor! Chi ch’a sarà col ch’it arseivras an toa ca^[1]? Chi ch’a podrà drissé soa tenda dzora 'd toa santa montagna^[2]? ²Coj ch’a vivo ‘d manera onorà^[3] e ch’a pràtico la giustissia, coj ch’a diso la vrità tal com a l’han ant ël cheur. ³Coj ch’as arfudo dë spantié ‘d maldicense, ch’a faso nen ëd mal a sò pròssim o ch’a ofendo ij sò amis; ⁴Coj ch’a veulo avèj gnente da fé^[4] con coj ch’a l’è ciàir ch’a son dij malfasent, ma ch’a onoro coj ch’a l’han timor ëd Dio, e che manten-o soe promësse ‘dcò cand ch’a-j conven nen. ⁵Coj ch’a prësto ij sò dné sensa ciamé d’anteresse, e ch’a peulo pa esse catà për fé condané^[5] ij nossent. Ëd gent parèj a l’é cola ch’a sarà mai dësbogià^[6].

Nòte

1. O “tenda”.
2. O “intré an toa presensa”.
3. O “sensa rimpròcc”.
4. O “ch’a mepriso”.
5. O “për dì ‘ël fàuss”.
6. “campà a tèra”, “socrolà”.