Salm[modifiché]

143. Nosgnor! Scota mia preghiera![modifiché]

Coma ‘nt ël salm 142, l’autor a lamenta soa condission d’òm përseguità. Per lòn chiel a sùplica Nosgnor d'ëvnì a liberelo dai sò nemis.

¹Un salm ëd David. Nosgnor! Scota mia preghiera! Daje da ment a mia 'nvocassion d’agiùt! Ti ch’it ses fidel e giust: rëspond-me! ²But-te pa al banch dj’acusator për ancolpé tò servitor, përchè i lo sai bin che ‘dnans ëd ti gnun a peul consideresse nossent^[1]. ³Ij mè nemis a l’han dame adòss. A l’han sbatume për tèra e a l’han segregame ant ël top complét ëd na përzon coma s’i fussa ‘n mòrt bele che sotrà. ⁴I l’hai giumai përdù tute le speranse ‘d seurt-ne. I son antërpì da la pau. ⁵Im 'viso dij temp ch’a-i son pì nen. I penso a tut lòn ch’it l’avìe fàit temp fà e i médito an sj’euvre 'd toe man. ⁶I àusso le man për preghé. I son assià ‘d tì coma na tèra sùita ch’a l’ha da manca ‘d pieuva ma ch’a ven pa. [Intërludi]

⁷Nosgnor! Rëspond-me an pressa: mie fòrse am ven-o a manché. Arposs-me pa, dësnò tòst i sarai coma coj ch’a calo ant la tomba. ⁸A la matin bonora fame sente toa misericòrdia, përché mia speransa a l’é mach an ti. Fame conòsse la strà ch’i l’hai da andeje, përchè mia ànima as confida an ti. ⁹Nosgnor! Salv-me dai mè nemis. I son ëstàit dàit an guerna a ti. ¹⁰Mostr-me a fé toa volontà, përchè ti ’t ses mè Dé. Che toa presensa ‘d grassia im men-a an sna via pì drita. ¹¹Nosgnor! Për la glòria ‘d tò nòm guerna mia vita. Për toa fidelità, fame seurte da tùit ij sagrin anté ch’i son tombà. ¹²An toa misericòrdia dësbërgiàira ij mè nemis. Dësbla tuti coj ch’a tribulo mia vita, përchè mi i son tò sërvent.

Nòte[modifiché]

↑ Cfr. Roman 3:20; Galat 2:16.

[1] Cfr. Roman 3:20; Galat 2:16.

[1]