La Bibia piemontèisa
Ij Salm

Salm

La Bìbia piemontèisa - Salm 133

133. Coma ch'a l'é bel e agreàbil che 'd frej a stago ‘nsema an armonìa!

Ël poeta a fortiss ij benefissi dl'unità dla famija.

¹Càntich ëd pelerinagi ch'as arfà a David. Coma ch'a l'é bel e agreàbil che 'd fradej^[1] a stago ‘nsema an armonìa! ²Përché l'armonìa a l'é tant pressiosa coma l'euli 'd consacrassion ch'a l'é stàit vërsà an sla testa d'Aron e ch'a l'é calà giù an soa barba fin-a a rivé a le frange 'd soa vestimenta. ³L'armonìa a fà tant bin coma la rosà dl'Ermon ch'a ven giù an sle colin-e 'd Sion. A l'é pròpi là che Nosgnor a dà soa benedission: la vita ch'a ven mai a la fin.

Nòte

↑ Costa afermassion as arferiss a la famija slargà dl'Israel antich, anté che 'd fradej soens a vivìo an ëvzinansa l'ùn a l'àutr (cfr. Deuteronòmi 25:5). Lolì a dasìa a la famija na condission sossial pì àuta e sicurëssa. Tutun, an soa aplicassion ant la nassion d'Israel, a armarca l'importansa dl'unità dël pòpol ëd Nosgnor.

[1] Costa afermassion as arferiss a la famija slargà dl'Israel antich, anté che 'd fradej soens a vivìo an ëvzinansa l'ùn a l'àutr (cfr. Deuteronòmi 25:5). Lolì a dasìa a la famija na condission sossial pì àuta e sicurëssa. Tutun, an soa aplicassion ant la nassion d'Israel, a armarca l'importansa dl'unità dël pòpol ëd Nosgnor.

[1]