Salm

131. Nosgnor! Mè cheur a l’é nen superbi

Ël salmista a fortiss soa dipendensa ùmil da Nosgnor e a cissa Israel a confidesse a Dé..

¹Na càntica dij pelerin ch’a monto a Gerusalem. Un salm ëd David. Nosgnor! Mè cheur a l’é nen superbi; ij mè euj a son pa orgojos^[1]. I l’hai pa dë spetative grande; i buto pa ‘l nas an lòn ch’am rësguarda pa. ²Vera, i son pasiame e i stago pasi tanme na masnà dëspupà ch’a sërca pa pì ël làit ëd soa mare. Pròpi parèj: drinta ‘d mi mìa ànima a l’é tanme na masnà dëspupà. ³Israel! Spera an Nosgnor ora e sèmpe.

Nòte

↑ Lét. "Ij mè euj a vardo nen an sù".

[1] Lét. "Ij mè euj a vardo nen an sù".

[1]