La Bibia piemontèisa
Ij Salm)

Salm

La Bìbia pèiemontèisa - Salm 129

129. Ij mè nemis a l’han përseguitame da cand ch’i j’era na masnà

Israel a fortiss la giustissia ‘d Dé e a-j ciama ‘d dësblé ij nemis d’Israel.

¹Na càntica dij pelerin ch’a monto a Gerusalem. “Ij mè nemis a l’han përseguitame da cand ch’i j’era na masnà ”. Che tut Israel a l’arpéta: ²“Ij mè nemis a l’han përseguitame da cand ch’i j’era na masnà, ma a l’han mai podume bate. ³Mìa schin-a a l’é pien-a ‘d ferleche coma se ‘n lauror a l’avèissa passame dzora con na slòira e lassame ‘d sòrgh. ⁴Nosgnor, tutun, a l’é bon: chiel a l’ha tajà le còrde dont ij malfasent a l’avìo gropame^[1]. ⁵Che tuti coj ch’a l’han an òdio Gerusalem a n’àbio onta e a sìo batù. ⁶Che lor a sio dësutil coma l’erba ch’a chërs an sij tèit e ch’as sëcca fin-a anans ch’as l’àbia tirà fòra, ⁷e che ij mëssonaire a dëspressio e ch’as në peul pa fene ‘d gerbe. ⁸Che tuti coj ch’a passo për la strà ch'as arfudo 'd deje costa benedission: “Che Nosgnor av benedissa; nojàutri iv benedioma ant ël nòm ëd Nosgnor”.

Nòte

↑ Cfr. Giòb 39:10.

[1] Cfr. Giòb 39:10.

[1]