La Bibia piemontèisa/Testament Vej/Salm/Salm 12

←Salm 11

La Bibia piemontèisa Salm

Salm 13→

Ij Salm

La Bìbia piemontèisa - Salm 012

12. Nosgnor: giùtme perchè ‘d brava gent as treuva pa pì

Ël Salmista a sùplica Nosgnor d’anterven-e, përchè la società a l’é dominà da 'd gent aroganta e sensa religion ch’a crasa la pòvra gent e coj ch’a fan giust a son sèmper ëd men-o. Cand che Nosgnor a nùnsia soa 'ntension ëd guerné coj ch’a son crasà, ël Salmista a ‘rneuva soa fiùsa ant la promëssa ‘d Nosgnor.

¹Për ël diretor dël còro: un Salm ed David da companiesse con n'ëstrument a eut còrde^[1]. Nosgnor: giùtme perchè ‘d brava gent as treuva pa pì. Ij fedej a son dësparì da la facia dla tèra! ²Tut lòn ch’as diso l’ùn con l’àutr a son mach ëd tromparie, frut ëd làver busiard e ‘d cheur pront a ‘ngabiolé. ³Che ‘l Signor a sara la boca ch’a l’han, pien-a ‘d flaterìe e ch’a fasa sté ciuto cole lenghe ch’a spuvo arogansa. ⁴Lor a diso: “I soma brav a parlé, i savoma bin coma dësfend-ne. Chi é-lo mai ch’a podrìa fërmene?”. ⁵Ma ‘l Signor a rëspond: “I l’hai bin vëdduie le violense ch’i l’eve fàit a coj ch’a peudo nen dësfend-se. Adess mi ’m leverai a salveje, përchè a l’han ciamame agiùt”. ⁶I podoma avèj pien-a fiusa dle Paròle 'd Nosgnor. A son sensa difèt tanme d'argent purificà ant un forn da mon, anté ch'a ven rafinà dël tut.⁷A l’é për lòn ch’i savoma che ti, Nosgnor, it guerneras coj ch’a son crasà, e i-j presërvras për sèmper da costa generassion ëd busiard. ⁸J’angiust as në van an gir daspërtut, cand che 'd lòn ch'a l'é mal as në fà la promossion.

Nòte

1. O “Conform a le Seminit”