Osea

3

Osea e la fomna 'nfedel

¹Nosgnor a l'ha dime: "Va, artorna, fà l'amor con la fomna che sò marì a-j veul bin e con chila comëtt n’adulteri. Veuje bin parèj coma che Nosgnor a-j veul bin a la gent d'Israel bele cuand ch’as në van con d’àutri dio, e ch’a l'han aptit ëd fogasse d'uva".

²Donch i l'hai catala, la fogassa, për quìndes sicl d'argent e na min-a e mesa d'òrdi, ³e i l'hai dije a la fomna: "Për vàire di 't am restras ambelelà, sensa prostituìte e sensa dete a gnun d'àutri òm, e mi i farai l'istess con ti". ⁴Përchè ‘dcò la gent d'Israel a restran për vàire sensa rè e sensa cap, sensa sacrifìssi e sensa colon-e sacre, sensa efod e sensa terafim^[1]. ⁵Apress ëd lolì, coj d’Israel a artorneran; a sërcran Nosgnor sò Dé, e David sò rè. A la fin dij temp, a serviran Nosgnor con rispèt e da chiel i në speteran minca sòrt ëd beni.

Nòte

↑ Mistà pagan-e 'd famija.

[1] Mistà pagan-e 'd famija.

[1]