La Bibia piemontèisa/Testament Vej/Genesi/Genesi 10

Da Wikisource.
Jump to navigation Jump to search

Génesi[modifiché]

10[modifiché]

Tàula dij pòpoj[modifiché]

1Costa-sì a l’é la lista genealògica dij dissendent ëd Sem, Cam e Jafet, fieuj ëd Noè, ch’a son nassù apress ël diluvi.

2Ij dissendent ëd Jafet: Gòmer, Magog, Madai, Giàvan, Tubal Moisiech e Tiras. 3Dissendent ëd Gòmer : Aschenaz, Rifat e Togarmà e 4Ij dissendent ëd Giàvan: Elisià, Tarsis, ij Chitita e ij Rodanita. 5Da lor a ven-o ij pòpoj ch’a son ëspantiasse për le region marìtime, ognun ant ij sò teritòri e scond ij sò lineagi e scond soe famije ant soe nassion.

6Ij dissendent ëd Cam: Cus, Egìt[1], Put e Canaan. 7Ij dissendent ëd Cus: Sebà, Avilà, Ramà e Sabteca. Ij dissendent ëd Ramà: Saba e Dedan. 8Cus a l’era ‘dcò l’antich ëd Nimrod, ch’a l’era stàit ël prim vajant guerié an sla tèra. 9Dàit che chiel a l’era ël pì grand cassador dël mond, sò nòm a l’é dventà proverbial. A l’é për lòn che la gent a dis: “Sto-sì a l’é tanme Nimrod, ël pì grand cassador dël mond”. 10Nimrod a l’avìa stabilì sò regn ant la tèra ‘d Babilònia; con le sità ‘d Babilònia, Èrech, e Calne. 11Da là chiel a l’avìa slargà sò teritòri fin-a a l’Assìria, e a l’avìa edificà le sità ‘d Ninive, Reobot-ir, Càla, 12e Ressen (la gran sità ch’a sta an tra Ninive e Càla). 13Egìt a l’é l’antich ëd la gent ëd Lud, Anam, Lèab, Naftùa, 14Patròs, Caslùa e Caftor, d’anté a son surtì ij Filisté.

15Canaan a l’era stàit ël pare ‘d Sidòn, sò prim-génit, e d’Het[2], 16e l’antich ëdcò dij Gebusita, j’Amorita, ij Ghirgasita, 17j’Ivita, j’Archita, ij Sinita; 18j’Arvadìta, jë Zemarita, e j’Amatita. Apress lor a j'ero dësperdusse an tra ij Cananita 19e sò teritòri a s'era slargasse da Sidon fin-a a Gherar e Gasa, e dcò an diression ëd Sòdoma, Gomòrra, Admà e Seboim, fin-a a Lasa. 20Sti-sì a j'ero ij dissendent ëd Cam, con ij sò lineagi e lenghe, ij teritòri e le nassion.

21Cò Sem, frel grand ëd Jafet, a l’avìa avù na dissendensa. Chiel a l’era l’antich d’Èber e ‘d tùit ij sò dissendent. 22Ij dissendent ëd Sem: Elam, Assiria, Arfasiad, Lud e Aram. 23Ij dissendent d’Aram: Uz, Hul, Gheter, e Mas. 24Arfasiad a l’era l’antich ëd Sela, e Sela col d' Eber. 25Eber a l’avìa doi fieuj: ël prim as ciamava Pelef, përchè, ant ël temp ëd soa vita, la popolassion ëd la tèra a s'era spartìsse an vàire grup ëd lenghe; sò frel as ciamava Joctan. 26Joctan a l’era ‘l pare d’Almodas, Selef, Hassarmàver, Gèra; 27Adoram, Usal, Diclà, 28Obal, Abimael, Saba, 29Ofir, Havilà e Giobab. Tuti sti-sì a j’ero ij fieuj ëd Joctan. 30Sò teritòri as dëstendìa da Mesa fin-a a Sefar, region ëd montagna dl’orient. 31Costi-sì a son ij dissendent ëd Sem, con ij sò lineagi e lenghe, an teritòri e an nassion.

32Sti-sì a son ij dissendent ëd Noè con ij sò lineagi, le nassion e liste genealògiche. Da ste-sì a ven-o le nassion ch’a son dësperdusse për la tèra apress ël diluvi.

Nòte[modifiché]

  1. O Mizraim.
  2. O “J’Hitìta”.