La Bibia piemontèisa/Testament Vej/Ester/Ester 10

←Ester 9

La Bibia piemontèisa Ester

Giòb 1→

Éster

10

Mardoché a vniss famos

¹Rè Assuer, peui, a l'ha imponù 'd travaj forsà a la gent dl continent e dle region dla còsta^[1]. ²Tut lòn ch'a l'é stàit fàit sota soa autorità e soe grande amprèise, ansema an rendicon complet dël valor ëd Mardoché e soa elevassion da part dël rè, a son ëscrivusse ant ël liber ëd le Cronache dij rè 'd Media e Persia. ³An efet, ël Giudé Mardoché a l'era scond dòp dël rè Assuer: grand an tra ij Giudé e binvolù da la pì part ëd sò frej, a sercava 'l bin ëd soa gent e a parlava an favor ëd la prosperità 'd tuta la dissendenza^[2].

Nòte

1. Costa giunta al liber a centra l'atension an sël rè Assuer e Mardoché e, për savej 'd pì an sti aveniment-sì a rimanda 'l letor al liber dle Cronache ufissiaj dij rè 'd Media e 'd Persia (1 Rè 14:19,29).
2. Mardoché a l'é stimà esse 'l politich giudé ideal. Soa amportansa a l'é 'n model pr' ij Giudé ant l'istitussion dla Festa dij Purim. A l'é mensiona ant l liber apocrif dij Maccabé 82 Maccabé 15:36).