La Bibia piemontèisa
Ij lìber dle Crònache

1 Crònache

La Bìbia piemontèisa - 1 Crònache 09

9

¹Tuta Israel a l'era staita anregistrà conform a soe genealogìe e tuti a son ëstait ëscrivù ant ël Lìber dij Rè d'Israel.

La comunità ‘d Gerusalem apress dl’esili

La gent ëd Giuda a l’era staita deportà a Babilònia për motiv ëd soe anfedeltà. ²Ij prim ch’a son torna stabilisse an soe possession e sità a l'è stàita la gent dël pòpol, ij sacerdòt, ij Levita e ij sërvent dël Templi. ³Parej che an Gerusalem a son ancaminasse a steie, nen mach ëd gent ëd Giuda, ma dcò da Beniamin, Efraim e Manasse^[1].

⁴Dël clan ëd Peres, fieul ëd Giuda: Utai, fieul d'Amicud, ël fieul d'Omri, fieul d'Imri, fieul ëd Bani. ⁵An tra ij Silonita: Gnasaia ël prim-génit e ij sò fieuj. ⁶An tra ij Zerachita: Jeuel e ij sò frej: an tut sessentenovanta.

⁷Dla tribù ‘d Beniamin: Salu, fieul ëd Mesulam, fieul d'Odaja 'l fieul d'Assenua; ⁸e Ibneia, ëd Jerocam; Ela fieul d'Osi, fieul ëd Micri; Mesulam fieul ëd Sefatia, fieul ëd Reuel, fieul d'Ibnia. ⁹Ij sò frej, conform a soe genealogie a l'ero an tut 956: tuti cap ëd soe famije.

¹⁰An tra ij sacerdòt: Jedaia; Jeoiarib; Jachin; ¹¹Asaria, fieul d'Elchia, ël fieul ëd Mesulam, fieul ëd Sadòch, fieul ëd Meraiòt, fieul d'Achitub, prefet an cària dël Templi 'd Nosgnor. ¹²E peui Adaia, fieul d'Ierocam, fieul ëd Pascur, fieul ëd Malchia, e Masai, fieul d'Adiel, fieul d'Iacsera, fieul ëd Mesulam, fieul ëd Mesilemit, fieul d'Imer. ¹³Ij sò frej, cap dij sò casà, a l'ero 1760, tuti òm pì che valid e dedicà al servissi dël Templi 'd Nosgnor.

¹⁴An tra ij Levita: Semaia, fieul d'Assub, fieul d'Assub, fieul d'Asicram, ël fieul ëd Cassabia, dij dissendent ëd Merari; ¹⁵Bacbacar, Cheres e Galal; Matania fieul ëd Mica, fieul ëd Zicri, fieul d'Asaf; ¹⁶Obadia fieul ëd Semaia, fieul ëd Galal, fieul ëd Jëdutun; e Berechia fieul d'Asa, fieul d'Elcana ch’a stasìa ant le borgià dij Netofatita.

¹⁷An tra ij guardian: Salum, Acub, Talmon, Achiman e ij sò frej; Salum a l'era 'l cap. ¹⁸Parej a l'é restà fin-a 'l di d'ancheuj: guardian a la Porta dël rè a levant. Costi-sì a son stait ij guardian dj'acampament dij Levita. ¹⁹Salum fieul ëd Core, fieul d'Ebiasaf, fieul ëd Corach e ij sò frej ij Corachita, dla casà 'd sò pare, ch’ a fasìo servissi ‘d vigilansa dlë scòss dla Tenda, parej come che ij sò grand a l'avìo guernà l'intrada dël Camp dël pòpol ëd Nosgnor. ²⁰Pincas, fieul d'Eleasar, a l'era stait cap anans ëd tuti lor. Che Nosgnor a sia con chiel! ²¹Zëcaria, fieul ëd Mësselemia, a l'era stait guardian a l'intrada dla Tenda dël Rëscontr.

²²Tuti costi-sì, sernù për esse ‘d guardian dlë scòss, a l'ero dosentedódes. Tuti a l’avìo anregistrasse ant le genealogie 'd soe borgià. A l'ero stait ëstabilì ant ël servissi permanent da part ëd David e ‘d Samuel, ël Vident, pròpi për soa fedeltà ‘d lor. ²³Lor e ij sò fieuj a l'ero stait costituì a la guerna dla Ca 'd Nosgnor, visadì la Ca dla Tenda. ²⁴Ij guardian a stasìo a le quatr intrade: a Orient, a Ponent, a Tramontan-a e Mesdì. ²⁵D’àutri guardian, ch’a vivìo an soe borgià rispetive, i-i andasio për torn a giuteje na sman-a pr’ un. ²⁶Ij quatr guardian prinsipaj, nopà, a j’ero ‘d Levita an servissi permanent, e a guernavo le stansie e ij tesòr dla Ca 'd Nosgnor. ²⁷Lor a passavo la neuit dantorn dël templi, përch'a l'avìo la guerna e l'ancàrich ëd soa dovertura tute le matin. ²⁸D'àutri a l'avìo la responsabilità dj'asi litùrgich, ch'a contavo ant ël moment che a-i portavo fòra e peui cand che a-j butavo a sò post. ²⁹D'àutri ancora a l'avìo la guerna dj'utiss e ròbe dël Santuari, da la farin-a, ël vin, l'euli, l’ancens e ij përfum; ³⁰contut che coj ch'a prontavo j'essense aromatiche për ij përfum a l'ero tuti dla dissendensa dij sacerdòt. ³¹Matitia, an tra ij Levita, prim-génit 'd Salum, a l'avìo daje la carga permanenta 'd pronté j’oferte ‘d farin-a cheuite ant le peile. ³²D'àutri, an tra ij sò parent, dël clan ëd Coat, a l'ero stait ancaricà 'd pronté 'l pan dl'oferta për minca un saba.

³³Cheidun dij cantor, cap ëd famija an tra ij Levita, ch’a stasìo ant le stansie drinta dël templi, a l'ero lìber da d'àutri travaj, përchè angagià neuit e di an sò servissi. ³⁴Costi a j’ero ij cap dle famije 'd Levi, conform a soe genealogìe, ch’a stasio a Gerusalem.

Genealogia 'd Saul predecessor ëd David

³⁵A Gibeon a-i j'ëstasìa 'l pare 'd col ch'a l'avìa fondà sta sità, ansema con soa fomna che as ciamava Maca. ³⁶Sò fieul prim-génit as ciamava Abdon, e peui a-i vnisìo Zur, Chis, Bal, Ner, Nadab, ³⁷Gedor, Achio, Zecaria e Miclòt. ³⁸Miclòt a l'é stait pare 'd Simeam. Dcò costi, divers da d'àutri sò parent, a l'han abità a Gerusalem ansema a tuti ij sò frej. ³⁹Ner a l'ha generà Chis, ch'a l'é stait pare' d Saul. E peui Saul a l'é stait pare 'd Giònata, Malchi-Sua, Abinadab e Esbal. ⁴⁰Fieul ëd Giònata a l’ero: Meribal, ch'a l'é stait pare 'd Mica. ⁴¹j fieuj ëd Mica a l’ero: Piton, Melech,Tarea e Acas. ⁴²Acas a l'é stait pare'd Jara, e Jara a l'ha generà Alemet, Asmavet e Zimri. Zimri a l'é stait pare 'd Mosa. ⁴³Mosa peui, a l'era stait pare 'd Bina, pare 'd Refaia, ch'a l'ha generà Elasa, ch'a sarà peui pare d'Asel. ⁴⁴Asel a l'ha avù ses fieuj, costi a son ij nòm: Asricam, Bocru, Ismael, Obadia e Canan. Costi-sì a l'ero ij fieuj d'Asel.

Nòte

↑ 9:2-3 cfr. Esdra 2:27; Neemìa 7:73.

[1] 9:2-3 cfr. Esdra 2:27; Neemìa 7:73.

[1]