La Bibia piemontèisa/Testament Vej/Cronache/1Cronache 6

←1Crònache 5

La Bibia piemontèisa Ij lìber dle Crònache

1 Crònache 7→

1 Crònache

La Bìbia piemontèisa - 1 Crònache 06

6

D’àutri Levita

¹Ij fieuj ëd Levi: Gherson, Cheat, e Merari. ²Ij fieuj ëd Cheat: Amram, Isar, Chebron e Usiel. ³Ij fieuj d'Amram: Aron, Mosè e Miriam. E ij fieuj d'Aron: Nadab e Abiu, Eleasar e Itamar. ⁴Eleasar a l'ha generà Fineas; Fineas a l'ha generà Abissua. ⁵E Abissua a l'ha generà Buchi e Buchi Usi. ⁶Usi a l'ha generà Zerachìa, e Zerachìa Meraiòt, ⁷e Meraiòt, Amaria, e Amaria Achitob. ⁸Achitob a l'é stait pare'd Zadoch, e Zadoch pare d'Achimas. ⁹Achimas a l'ha generà Asaria e Asaria Jocanan. ¹⁰Jocanan a l'ha generà Asaria: a l'é chiel ch'a l'é stait sacerdòt ant ël Templi^[1] che Salomon a l'avìa fàit fabriché a Gerusalem. ¹¹Asaria a l'ha generà Amaria; Amaria a l'ha generà Achitob. ¹²Achitob a l'era stait pare 'd Zadoch, e Zadoch pare 'd Salum. ¹³Salum a l'é stait pare d'Ilchia, e Ilchia pare d'Asaria. ¹⁴Asaria a l'era 'l pare 'd Seraia e Seraia 'd Iosadach. ¹⁵Iosadach a l'é andait n'esili ai temp che Nosgnor a l'avìa deportà la gent ëd Giuda e Gerusalem per man ëd Nabucodenesar.

¹⁶Ij fieuj ëd Levi: Gherson, Cheat, e Merari. ¹⁷Costi-sì a son ij nòm dij fieuj ëd Gherson: Libni e Simei. ¹⁸Ij fieuj ëd Cheat: Amram, Isar, e Chebron e Usiel. ¹⁹Ij fieuj ëd Merari: Mali e Musi^[2]. ²⁰A Gherson: sò fieul Libni, sò fieul Jahat, so fieul Zima, ²¹Joach, sò fieul Ido; Zerach fieul ëd chiel; Jatrai sò fieul; ²²Ij fieuj ëd Cheat: Aminadab, sò fieul; Còre sò fieul, Assir sò fieul; ²³Elcana fieul ëd chiel; e Ebiasaf, sò fieul; e Assir sò fieul; ²⁴Tacat so fieul; Uriel, sò fieul; Osia sò fieul; e Saul, sò fieul. ²⁵Ij fieuj d'Elcana: Amasai e Achimot. ²⁶Ch’ a l'avìa avù tanme fieul Elcana, da chiel Sufai, ch’a l'ha avù Nacat, ²⁷Eliab sò fieul; Jerocam sò fieul; Elcana sò fieul. ²⁸Ij fieuj ëd Samuel: ël prim-génit, Vasni, peui Abia. ²⁹Ij fieuj ëd Merari: Libni, peui sò fieul Simei, e da chiel Usa; ³⁰peui Simea so fieul; Haghia so fieul e da chiel Asaia.

Ij cantor dël Templi

³¹Costi-sì a son coj che David a l'avìa daje la diression dël canté ant ël Templi, da dòp che l'Èrca a l'avìa trovà sò post. ³²Lor a l'han fait ij cantor dë 'dnans dël Tabernacol dla Tenda dël Rëscontr fin-a che Salomon a l'ha nen fàit fabriché 'l Templi a Gerusalem. Ant ël servissi a l'ero diligent a la régola fissà per lor. ³³Costi-sì a son coj ch'a ufissiavo con sò fieuj: dij fieuj dij Cheatita: Eman, ël cantor, fieul ëd Gioel, fieul ëd Samuel, ³⁴fieul d'Elcana, fieul ëd Gerocam, fieul d'Elel, fieul ëd Toach, ³⁵ fieul ëd Zup, fieul d'Elcana, fieul ëd Macat, fieul d’Amasai, ³⁶fieul d'Elcana, fieul ëd Gioel, fieul d'Asaria, fieul ëd Sofonìa, ³⁷fieul ëd Tacat, fieul d'Assir, fieul d'Ebiasaf, fieul ëd Core, ³⁸fieul d'Isar, fieul ëd Cheat, fieul ëd Levi, fieul d'Israel. ³⁹Sò frel Asaf, aranda a soa drita: Asaf fieul ëd Berechia, fieul ëd Simea, ⁴⁰fieul ëd Micael, fieul ëd Baseia, fieul ëd Malchia, ⁴¹fieul d'Etni, fieul ëd Zerach, fieul d'Adaia, ⁴²fieul d'Etan, fieul ëd Zima, ⁴³fieul ëd Jacat, fieul ëd Gersom, fieul ëd Levi. ⁴⁴Ij fieuj ëd Merari, ij sò frej, a snistra: Etan, fieul ëd Chissi, fieul d'Abdi, fieul ëd Maluch, ⁴⁵fieul ëd Cascabia, fieul d'Amasia, fieul ëd Chilchia, ⁴⁶fieul d'Amsi, fieul ëd Bani, fieul ëd Semer, ⁴⁷fieul ëd Macli, fieul ëd Mussi, fieul ëd Merari, fieul ëd Levi.

D'àutri Levita

⁴⁸Ij sò colega levita, a l'ero portà al servissi^[3] dla Tenda dë Rëscontr ant ël Templi. ⁴⁹Aron e ij sò fieuj a smonìo j'oferte an sl'autar dj'olocaust^[4] e an sl'autar dl'incens, a soagnavo tut ël ministeri ant ël Leugh Santissim e a compìo ël sacrifissi d'espiassion per Israel conform a tut lòn ch'a l'avìa comandaje Mosé, sërvent ëd Nosgnor. ⁵⁰Costi-sì a son ij fieuj d'Aron: Eleasar sò fieul; Fineas sò fieul; Abisua sò fieul; ⁵¹Buchi, sò fieul; Usi sò fieul; Zerachìa sò fieul, ⁵²Merajòt sò fieul; Amaria sò fieul; Achitub sò fieul, ⁵³Zadoch sò fieul, Achimas sò fieul.

Sità dij dissendent d’Aron

⁵⁴Coste-sì a son le ca, conform soe sircoscrission ant ij sò pais. Ai fieuj d'Aron ëd la famija dij Cheatita, ch'a l'avìo tirà an sòrt për prim, ⁵⁵a l'han daje an Ebron ant ël pais ëd Giuda con soe pasture tacà, ⁵⁶ma tut ël teritòri dla sità e ij pais davzin a l'han assignaje a Caleb, fieul ëd Iefune. ⁵⁷Ai fieuj d'Aron a l'han daje Ebron, sità 'd sosta e arfugi, Libna con ij pasturagi, Iatir, Estemoa con soe pasture, ⁵⁸Chiles con ji pasturagi, Debir con ij sò pasturagi, ⁵⁹Asan con le pasture, Bet-Semes con le pasture, ⁶⁰e ant la tribù 'd Beniamin, Gheba con pasturagi, Alemet e Anatot tuti con soe pasture. An tut: tërdes sità con tùit ij sò pasturagi.

La ca dj'àutri Levita

⁶¹A d'àutri fieuj ëd Cheat, conform a soe famije, a l'han daje an sòrt des sità ciapà da la tribù d'Efraim, da la tribù 'd Dan e da la mità dla tribù 'd Manasse. ⁶²Ai fieuj ëd Gherson, conform a soe famije, son ëstaite assignà tërdes sità pijàite da la tribù d'Issacar, da la tribù d'Aser, da la tribù'd Neftali e da la tribù 'd Manasse an Basan. ⁶³Ai fieuj ëd Merari, conform a soe famije, a l'han sortegiaje dódes sità ciapà da la tribù 'd Ruben, da la tribù d' Gad e da la tribù 'd Zabulon. ⁶⁴J'Israelità a l'han assignà ai Levita coste sità con le pasture. ⁶⁵Tute coste sità ciapà da le tribù dij fieuj ëd Giuda, Simeon e dij fieuj ëd Beniamin, a l'han assignaje an sòrt dasendje sò nòm ch'a l'avìo. ⁶⁶A le famije'd Cheat a son ëstaite assegnà an sòrt sita ch'a l'ero dla tribù d'Efraim. ⁶⁷Përch'a l'han daje 'd sità 'd sosta: Sichem con ij sò anviron, an sij mont d'Efraim, Geser, con soa contrà, ⁶⁸Iocmeam e ij sò anviron, Betoron e soa contrà, ⁶⁹e Ajalon e ij sò anviron; e Gat-Rimon e soa contrà; ⁷⁰e dla mesa tribù 'd Manasse: Aner e ij sò anviron, e Bileam con soa contrà. ⁷¹A l'han daje ai fieuj ëd Gherson, da le nassion dla mesa tribù'd Manasse, Gòlan an Basan, con tuti ij sò anviron, e Astaròt con soa contrà. ⁷²Dla tribù d'Issacar: Chedes e sò anviron, Dobrat con soa contrà, ⁷³Ramot con ij sò anviron, e Anem con soa contrà, ⁷⁴dla tribù d'Aser: Massal e soa contrà, e Abdon e ij sò anviron, ⁷⁵e Ucoc e ij sò anviron, e Recob e soa contrà; ⁷⁶e dla tribù 'd Neftali, Chedes an Galilea e ij sò anviron, Amon e soa contrà, e Chiriataim e ij sò anviron. ⁷⁷Ai fieuj ëd Merari, ch'a l'ero dla rimanensa an tra ij Levita, a l'é dasse, dla tribù 'd Zabulon, Rimon e ij sò anviron, e Tabor e soa contrà, ⁷⁸e da l'autra part dël Giordan, an facia a Gérico, a levant dël Giordan: dla tribù 'd Ruben, Beser ant ël desert e ij sò anviron, Jasa e soa contrà, ⁷⁹Chedemot e ij sò anviron, e Mefat e soa contrà, ⁸⁰e dla tribù 'd Gad, Ramot an Galad e ij sò anviron, e Mefat e soa contrà, ⁸¹Esbon e ij sò anviron, e Jaser con soa contrà.

Nòte

1. Lét. "ant la ca".
2. Cfr. Surtìa 6:16-19.
3. O "travaj".
4. O: "sacrifissi complet".