Introdussion[modifiché]

Abacuch a compiss soa mission ant un moment ëd crisi vers la fin dël sétim sécol a. C. e l'inissi del sest. La nassion assira a l'é già an decadensa fòrta. Dël 612 a. C. con la croa 'd Ninive, soa capital, a perdrà minca 'n podèj. L'amperi neo-babilonèis a rimpiasserà, con crudelità pì granda, la potensa dj'Assir ant ël predomini dël Vzin Orient. A l'é 'n temp ëd crudelità generalisà e 'dcò ant ël regn ëd Giuda l'angiustissia e la gramissia a la fan da padron.

Costa situassion a sagrin-a 'l cheur dël profeta, ch'as ciama coma che Nosgnor a peul përmëtte na ròba parìja. Nosgnor a-j rëspond che Soa manera 'd fé as la capiss pro për coj ch'a-j resto fedej. Ant ël cit lìber d'Abacuch le sùpliche e le domande dël profeta as alterno a le rëspòste 'd Nosgnor (capìtoj 1 e 2), për concludse con n'orassion dël profeta (capìtol 3). A j'abitant dël regn ëd Giuda, ch'as fan ëd domande série për lòn ch'a riguarda sò avnì 'd lor e ij propòsit ëd Nosgnor, Abacuch a nunsia che Dé a agiss con giustissia e a condan-a ij craseur, a dòmina an sël mar, la tèra e le nassion, a giuta sò pòpol e a lo salva. A la gent ëd sò temp e a cola 'd tùit ij temp, Abacuch a dà cost mëssage: "Ël giust a vivrà për soa fedeltà" (2:4). L'apòstol Pàul a mensionarà cost vers ant la litra ai Roman (Roman 1:17) e an cola ai Galat (Galat 3:11).

Schema[modifiché]

Dialog ravzinà an tra 'l profeta e Nosgnor - Dio 1:2-2:6
Le sinch maledission 2:7-20
Preghiera d'Abacuch 3:1-19