Giovanni Gianotti

Giovanni Gianotti (1867-1947)

Giovanni Gianotti, poeta piemontèis nassù an cola d’Ast ant ël 1867 e mòrt a Turin ant l’invern dël 1947. Ël sò pass poetich a l’è stàit col d’un òm fòra da jë spatuss e da le crije provocatris, ch’a brandavo 'nt la prima andan-a dël '900 piemontèis. Un ghëddo literari, gropà a la poesìa 'd nòsta tèra, sempe cortes e mai volgar. Pien ëd cola limpidëssa sentimental da gran poeta e bon gust da intenditor. “ Fërvaje d’ànima ” a l’é 'l volum ëd poesìa, andova a son arportà ij sò pì bej vers.