Discussion:La Bibia piemontèisa/Testament Neuv/Roman

Introdussion a la publicassion dle epìstole 'd Pàul

Le litre ëd Pàul ëd Tars a formo l'epistolarì pì arnomà al mond. A son rivane tërdes litre atribuìe a chiel. I giontoma sì 'dcò la litra a j'Ebrèo. Coste, scrivùe antra 'l 51 e ël 67, a resto antra ij document pì antich dël cristianésim. A stabilisso la base teològica dla fede cristian-a e a në smon-o dij particolar ëd la vita dle comunità cristian-e ant le prime desen-e d'agn apress la mòrt ëd Gesù ëd Nàsaret. As trata për sòlit ëd litre ëd sircostansa, ch'a son pitòst un complement ëd la predicassion oral che Pàul a l'avìa già fàit ant le vàire comunità. An efet, possà da l'anvìa d'evangelisé pi 'd gent possìbil, as fërmava pòch ant le comunità ch'a fondava; pen-a che la comunità a mostrava ëd podèj marcé da sola, chiel a nominava un responsabil local e a partìa, an restand tutun an contat epistolar pr'ësciairì dij pont ch'a podìo esse nen ëstàit capì bin, frené le deviassion, dé dle régole ëd dissiplin-a, e përfessioné sò ansegnament. Pcastellina (ciaciarade) 10:50, 30 stè 2023 (CEST)