Virginio Ilòt/Luis

Da Wikisource.

Artorn


Luis[modifiché]


    a Luis Rossero
    (Montagnin bòrgno, e travajeur)

Luis:
Ij tò euj dëstiss
a vardo an facia 'l sol,
a conto lë stèile
arlongh toa neuit
sensa fin,
a carësso le fior,
le bestiòte servaje
ch'at lasso mai sol,
a specio 'l seren,
ch'a-i é andrinta
toa ànima bela
che a canta
a l'arson dla natura
e 'd Melania
toa sorela.
Luis:
fiamele ansupìe
ij tò euj
a spantio 'l soris,
arciam
për l'òm
che j'euj a j'ha bon
ma stordì
dal bordel dle passion
e a s-ciàira pì nen.