Silvio Balbis/In occasione di un furioso incendio
In occasione di un furioso incendio[modifiché]
SUSCITATOSI PER COLPA D’UNA FU VECCHIA SQUARQUOJA(*) DENOMINATA MARGRITASSA
Ij giari(1) a l’ero lì chiet, ch’a ronfavo,
Cogià ant un gran përtus vsin a un lëgné;
E ant col moment, chi sa! fòrsi a sognavo
D’essi entrà ant quàich dispensa, o ant quàich grané.
Maraman(2), quand a l’è, ch’manch a-j pensavo,
‘S son sentisse ant un nen tuti a brusé:
Gara(3): so-sì l’è ‘l feu; gara: e tentavo
Con ij barbis rafì(4) ‘d podèj scapé.
Ma, pòvre bestie! a l’ha ventà sté lì;
E ij pare, e le masnà, e le giarie(5) incinte,
E ij giari da marié, tut l’è rustì.
Òh che maleur! quante famije distinte
In linea ‘d giari, ch’noi avìo për sì,
An causa ‘d Margritassa a s’ son estinte.
Glossario[modifiché]
- Squarquoja: decrepita, rincitrullita
- Ij giari: i topi
- Maramàn: ed ecco
- Gara: in guardia
- Barbìs rafì: baffi bruciacchiati
- Giarie: tope