Rino Serra/Tèra mìa/19

Da Wikisource.

Scòla professional[modifiché]

Son passaje tant'ani d'antlora
Quand fasìo la professional:
"Prinsipessa Maria Clòtilde"
El nòm, a j'era peui pa gnanca mal.

l'era mal cola profia balorda ...
Che minca tant vorìa spiegassion,
zognava porteje sens'àutr, sensa
Stòrie, la giustificassion.

Sfaussà la firma 'd mia Mare
El diari butavo sot sò nas,
Chila lesìa, am guardava e pensava
It ses pròpi 'd sicur un bambas;

Ma d'àutr come l'avrìa podù
E an che manera giustifiché
Che bamblinavo ansem a gorbette
Per le vie amboscà 'd Moncalé?

Cole viette rampià 'n colin-a
M'arpòrto ai bej temp si lontan,
Quand con la mia gorbettin-a
Virolavo dsà e dlà man per man.

Quand la pieuva batìa sle pere
I corìa giù giù vers el Pò,
l'ero mila milanta manere
Për strenzla pì a longh ancor un pò.

Cole stra ch'as perdìo 'n colin-a
Un pò stermà fra cioende e busson,
A j 'ero per la mia gorbettin-a
La pì vera e pì granda passion;

L'é passaje tant temp si d'antlora
L'é passaje na vita e 'ncor un pò,
Ma pensand a col temp e col'ora
Im senteria 'd navighé tut el Pò!

(Novèmber 1982)