Rino Serra/Tèra mìa/14
Dik[modifiché]
Col ferfoj ch 'a girava 'n giardin
Fra le piante ij busson e ij rosin
J'é pa pì a girolé stamatin!
L'ha lassane jer sèira a fin d'ani
Pian pianin come giòla 'nt el vent,
Na giolà pròpi longa ij soj ani,
aran stàit ed nòstia vita pì 'd sent.
Dissèt ani 'l bon Dik l 'ha vivù
An girand ed sà e 'd là 'n giardin,
E per quindes con Tel l'ha godù
Ed na vita lontan dai sagrin;
Mach el tron ant ij di 'd tempora!
Lo mandava 'n "bestia" e pa mal,
A corìa come mat sot la pieuva
A fermelo, i fasìo manch la preuva.
El bon Dik l 'ha vivù la soa vita
Sensa mai lamentesse un moment,
Ògni còsa per chiel l 'era drita
Vivìa 'nt el sò mond tut content;
L'era un grand cassador ed laserte
Jë stanava con sò nas sovrafin,
Ògni tant an fra ij ram e le pertie
Chiel a barbava 'd cò quàiche oslin.
J'ùltim ani 'l sò nèir lustr mantel
L'é sbianchì 'n sel muso ... smijava pì bel,
A-j dasìa come n 'aria seriosa
Col bianch pèj an sla testa grassiosa.
Col ferfoj ch 'a girava 'n giardin
Fra le piante ij busson e ij rosin
J'é pa pì a girolé stamatin!
(Gené 1996)