Rino Serra/Tèra mìa/11

←Badìe

Rino Serra - Tèra mìa, amìa mìa

Rondolin-a→

Ij dì dl'òmo

A son ij di dl'omo
Come fior ant ij pra;
Come fior ant ij pra,
Che la rosà 'd bon matin
A-j gava dla sèj el torment,
Ch'a cheujo l'alba festosa
E a danso al sofi del vent.

A son ij di dl'òmo
Come fior ant ij pra;
Come fior ant ij pra,
Ch'a cheujo del sol el calor...
E s'ancioco 'd vita e d'amor.

A son ij di dl'òmo
Come fior ant ij pra;
Come fior ant ij pra,
Ch'a godo del verd tut antom
Ant ij bej di dla prima
Ch'a-j fà con l'asur da contom.

A son ij di dl 'òmo
Come fior ant ij pra;
Come fior. ant ij pra,
Che 'l mesdi anfiapiss
Ant el di dla calura
An mes ed l'istà quand vita
Per lor sens'àutr l'é pì dura.

A son ij di dl'òmo
Come fior ant ij pra;
Come fior ant ij pra,
Che la faussìa strompa a sèira
E come fen e peui.poyre ...

Sbardànd-se adasi per l'èira
As perdo per l'aria 'nfinìa
Sarand-se 'nt el sercc dla vita
Ch'a l'é fin ma 'dcò neuva via.
··························
A son ij di dl'òmo
Come fior ant ij pra!

(Fervé 1995)