Rino Serra/Tèra mìa/09
< Rino Serra | Tèra mìa
Podèissa[modifiché]
Podèissa la neuit solament
Cadensà al passagi del vent,
S-ciairime del cel ij senté
Al ragg del bel àster lusent.
Podèissa la neuit solament
Da mi slontané le sgoment,
rené l'antich mè pioré
E l 'angossa che 'l cheur a arsent.
Podèissa la neuit solament
Fé sì che speransa arnassent,
Blochèissa al mè cheur folairà
E vivèissa 'l di da inossent.
Podèissa la neuit solament
Dé arpòs al pensé che, sovent,
Va perdense an còse passà S
ensa gòde dl'alba lusent.
Podèissa la neuit solament
Prima 'd cede al di dsorestant
Farfojé 'nt j'orije 'me 'l vent
Che 'l vive l'é sempe anciarmant.
(Gené 1995)