Rino Serra/Tèra mìa/08
< Rino Serra | Tèra mìa
Vin[modifiché]
A l'amis già avanti
Con j 'ani, costa sèira
L'hai portaje na bota
Ed vin bon; el nebieul
Ch 'a nass là 'nt la Langa.
Destopà ... l'hai posala
An sla tàula bin veja
Ed ceresa: l'amis peui ...
Doi bicer ed temp lontan,
Pesant, l 'ha posà 'd fianch
La bota (coj bicer con
Bole sofià 'nt el véder)
E con l'euj ch'a godìa,
L'ha seguì 'l mè gest
Ant el versé 'l giuss d'uva
D'anada lontan-a;
L'ha sbircià, stimà e nufià
El bicer, peui sodisfàit
E con el fé da savi,
A la dit che 'd sì a col vin ...
Golettand; a-i é gnente e gnun
Ch 'a sapia apressié
' Ed grand bon vin, pì d'un vej
Che da sempe a sapa
Con passiensa la tèra.
(Dzèmber 1994)