Rino Serra/Tèra mìa/02
Amor a la tèra[modifiché]
Amor a la tèra
A veul dì, la matin,
Ausesse a la prima
Frescura; a veul dì
Che le stèile luso
Ancora ant el cel.
Amor a la tèra
A veul dì che la lus,
Per primiera ch'a sia
L'é già tarda ai tòi euj;
Quand el sol pian pianin
Sovrasta la pian-a,
L'é già ora 'd colassion.
Amor a la tèra
Veul dì savèj perd-se
An verda campagna
E ant l'òr del messon.
Amor a la tèra
Veul dì col paisan
Che pa gnanca guarda
La festa, quand l'é ora
Ed cheuje ij sòi frut;
Mach messa primiera
Peul strompé 'l sudor
Ch'a-j cola da 'n front.
Amor a la tèra
L'é gòj ed l 'amàlgama
Fra cel e caussagna,
Fra pieuva e sudor,
Fra orassion e travaj.
Amor a la tèra
A lo conòss mach chi
Sudand, a va sota
Na larga caplin-a
Ch'a para dal sol.
Amor a la tèra
Lo conòss mach l 'òmo
Che, vnùita la sèira,
Vedd pa l 'ora d 'andé
A cogesse ant sò let
Dòp na cita orassion!
(Agost 1987)