Rino Serra/Le fior dël mal/135

Da Wikisource.
Jump to navigation Jump to search

IX. J'euj ëd Berta[modifiché]

Voi j'euj, ij pì famos i peule dëspresié,
J'euj bej ëd mia cita, doa filtra e scapa con deuit
Un-a sai pa còsa, ëd bon, dossa 'mé la neuit!
Bej euj, dzor mi vòste tënëbre 'nciarmante ambossé!

Grandi euj ëd mia cita, arcan adorà,
Voi ësmije tant a le gròte magiche
Doa, daré dl'amass d'ombre letargiche,
A luso vagament ëd tesòr ignorà!

Mia cita a l'ha j'euj ëscur, përfond e vast,
Coma ti , neuit in-mensa, coma ti 'nluminà!
Ij sòi feu a son pensé d'amor, ëd fé mës-cià,
Ch'a bërluso là 'n sël fond, piasos e cast.