Rino Serra/Le fior dël mal/080

Da Wikisource.
Jump to navigation Jump to search

LXXX, Ël gust dël gnente[modifiché]

Spirit sagrinà, un temp an-namorà dla lòta,
La speransa, che da sò spron viscava tò ardor,
A veul pa pì 'nforchete! Cogg-te sensa pudor,
Vej caval che a ògni ostacol a bat soa piòta.

Rassegn-te cheur; deurm tò seugn da animal sta vòta.

Spirit vinciù, sfinì! Për ti vej predator,
L'amor l'ha pa pì gust, nen pì che la disputa;
Adieu donca, cant ëd tromba e sospir ëd fluta!
Piasì, ten pì nen un cheur sagrinà e scur aor!

La prima adorabil l'ha përdù sò odor!

Minuta për minuta ël temp am mulin-a
Come la fiòca in-mensa 'n còrp sensa calor;
Mi i bèico da l'àut ël mond an sò grand viror
E serco pa pì l'arfugi 'd na cassin-a.

Valanga, it veule porteme 'n toa rovin-a?