Rino Serra/Le fior dël mal/062
LXII. Lë spetro
[modifiché]Coma j'angej da j'euj ëd feu,
An toa arcòva mi vnireu
Vers ti sghijerai sensa romor
Cand la neuit pòrta sò sombror;
E it donerai mia brun-a
Dij basin frèid mé la lun-a
E 'd carësse da serpent
Antorn a na tampa, rampant.
Cand livid ël matin vnirà,
Mè pòst veuid as troverà,
Doa a sèira a farà frèid ancor.
Mé àutri për la tenerëssa,
Su toa vita e giovinëssa,
Mi, i veuj regné col teror!