Rino Serra/Le fior dël mal/050

Da Wikisource.
Jump to navigation Jump to search

L. Cél térbol[modifiché]

As dirìa che 'l tò sguard da vapor cuvert;
Ij tò euj misterios ( a l'é bleu, gris o verd?)
Prima tënner, peui sognador, opur crudel,
A riflet l'indolensa e 'l palid dël cel.

Tëbbi e velà, t'arcòrde 'd coj bianch di ancor,
Che ij cheur anciarmà a san fé fonde an pior,
Cand dal mal sconossù ch'a-j tors, a son agità,
Ij nerv dësvij dlë spirit ch'a deurm fan na rijà.

Të smije ti a vòlte a sti orissont bej
Ch'anlumino 'd fròse stagion ij soj...
Coma it ësplende, paesagi inumidì
Afoà da ragg calant d'un cel ëntërbolì!

Oh dòna pericolosa, oh clima 'nciarmant!
Adorerai toa fiòca e ij vòsti cej picant,
Da l'implacabil invern i savrai gavé
Ij piasì pì aùss che la giassa e 'l fer san dé?