Rino Serra/Le fior dël mal/031

Da Wikisource.
Jump to navigation Jump to search

XXXI. ËL VAMPIR[modifiché]

Ti che, mé cotlà it ses intrà,
Andrinta a mè cheur piansent;
Ti che, fòrt come na rablà
Ëd diav ëvnua, fòla e ornament,

A fé 'd mè spirit umilià
Tò lèt e toa dominassion;
-Dzonorà al qual mi i son lià
Mé forsà a soa caden-a i son,

Mé carògna mi i stagh ai verm
Coma la bota ai ciocaton,
Mé al gieugh ël giugador tëston,
Maledìa 't saras an etern!

L'hai pregà la rapida spa
E peui dit al rapid velen:
Ti conquista mia libertà...
Socors, da la viltà ch'am ten.

Ahidé! Ël velen e la spa
Lor l'han dime con dëspressi:
"Ti 't ses pa degn d'esse gavà
Da toa s-ciavitù a gnun pressi,

Beté! Ma se dal sò imper
It podèisso liberé,
Ij tò basin farìo aussé
Ël cadaver dël tò vampir!"