Rino Serra/Garcia Lorca/052

←Madrigal

Poesìe 'd Garcia Lorca

Anvìa→

Ël consert anterompù

a Adolfo Salazar

L’ha rot l’armonìa
Dla neuit përfonda
Ël cauderon gelà e ‘nsugnichì
Dla mesa lun-a.

Le bialere a reclamo con rumor mut
Vestìe ‘d gionch
E le ran-e, “muezzin” ëd l’ombra
A son ëstaite mute.

Ant ël vej òsto dël pais
L’é finìa l’arnosa musica,
E a l’ha butà la sordin-a a sò strument
La stèila pì veja.

Ël vent a l’é stasse ‘n sij dòss
Dla montagna sombra,
E n’arbra solitaria - ël pitagòra
Dla casta pian-a
A veul dé con soa man sentenaria
Na patela a la lun-a.

1920