Rino Serra/Garcia Lorca/043
< Rino Serra | Garcia Lorca
CROSIERA[modifiché]
Oh, che dolor ten-e
Vers an lontanansa
Dla passion e ‘l servel
Tut macià d’inciòstr!
Oh che dolor nen avej
La fantastica camisa
D’òmo content: la pel
-Tapiss ëd sol-brunì!
(D’antorn ai mè euj
Strop ëd litre a viro)
Oh, che dolor ël dolor
Antich ëd la poesìa,
Sto dolor tachiss
Tant leugn da l’eva limpia!
Oh dolor ëd lamentesse
Për bèive la ven-a lirica!
Oh dolor ëd l’adoss bòrgna,
E ‘d mulin sensa farin-a!
Oh che dolor nen avej
Dolor e passé la vita
Dzor l’erba spalia
Dël senté bele ‘ndàit!
Oh pì përfond dolor,
Ël dolor ëd la gòj,
Slòira ch’a duverta ij sorch
Doa ‘l pior a frutifica.
(Da na montagna ‘d papé
A sponta la lun-a frèida).
Oh dolor ëd la vrità!
Oh dolor ëd la busìa!
Luj dël 1920