Rino Serra/Garcia Lorca/035

Da Wikisource.

Consulta[modifiché]

Passiflòra asura!
Ancuso ‘d farfale.
It vive bin ant la pàuta
Dle ore?

(Oh poeta ‘nfantil
S-ciapa toa mostra!)

Ciàira stèila asura,
Amburì dl’aurora.
It vive bin ant la s-ciuma
Dl’ombra?

(Oh poeta ‘nfantil
S-ciapa toa mostra!)

Cheur asurà
Lum ëd mia arcòva.
It bate bin sensa mè sangh
Filarmònich?

(Oh poeta ‘nfantil
S-ciapa toa mostra!)
 
Iv capisso e lasso
Ant ël burò
La bòja dël temp.
Soe gosse metaliche
As sentiran pa
Ant la pas ëd l’arcòva.
I durmirai tranquil
Coma i deurmi vojàutre,
Passiflòra e stèile,
A la fin la farfala
A volerà ‘nt la corent
Ëd j’ore
Mentre a nass ëdzor mè tronch
La reusa.

                    Agost 1920